«قازاق راديولارى» جشس استانانىڭ 20 جىلدىعىنا وراي 18-35 جاس ارالىعىنداعى اقىنداردىڭ قاتىسۋىمەن «ەلباسى جانە ەلوردا» اتتى ءراديومۇشايرا ۇيىمداستىرعان بولاتىن. ءمۇشايرانىڭ ماقساتى – استانانىڭ الەمدىك قوعامداستىق الدىنداعى ابىروي-بەدەلىن جانە ەگەمەن ەلىمىز ءۇشىن گەوساياسي ماڭىزى مەن الار ورنىن, دامۋ ساتىلارىن ولەڭگە ارقاۋ ەتە وتىرىپ, ەلباسىنىڭ ەرەن ەڭبەگىن كورسەتۋ. سول ارقىلى ەلدى, جەردى, وتاندى قۇرمەتتەۋدىڭ ۇزدىك ۇلگىسىن وسكەلەڭ ۇرپاق ساناسىنا ءسىڭىرۋ. تاۋەلسىز قازاقستاننىڭ كەرەگەسىن كەرىپ, ۋىعىن شانشىپ, شاڭىراعىن بيىكتەتكەن ەلباسىنىڭ ەڭبەگى مەن جاس قالانىڭ 20 جىلدىق مەرەيتويىن قالامگەرلەر ولەڭگە ارقاۋ ەتتى. مۇشايراعا 100 اقىن قاتىسىپ, 300-گە جۋىق ولەڭ ءتۇستى. وسىلايشا, ەگەمەن ەلدىڭ تəۋەلسىز جاستارى ەلوردانىڭ مەرەيتويىنا جىردان شاشۋ شاشتى.
ءراديومۇشايرانىڭ قازىلار القاسىندا اقىن, قازاقستان جازۋشىلار وداعىنىڭ مۇشەسى, ل.ن.گۋميلەۆ اتىنداعى ەۋرازيالىق ۇلتتىق ۋنيۆەرسيتەتى قازاق ادەبيەتى كافەدراسىنىڭ دوتسەنتى, فيلولوگيا عىلىمدارىنىڭ كانديداتى سەرىكزات دۇيسەنعازى, اقىن, فيلولوگيا عىلىمدارىنىڭ دوكتورى قازاقستان جازۋشىلار وداعىنىڭ مۇشەسى جانات اسكەربەكقىزى, «قازاق راديولارى» سەرىكتەستىگى باس ديرەكتورىنىڭ ورىنباسارى ءازىمحان اۋساتوۆ, اقىن, قازاقستان جازۋشىلار وداعىنىڭ مۇشەسى, «شالقار» راديوسىنىڭ ديرەكتورى قالقامان سارين, اقىن, تەلەجۋرناليست, قازاقستان جازۋشىلار وداعى جانە جۋرناليستەر وداعىنىڭ مۇشەسى ءنازيرا بەردالى بولدى.
كوميسسيا مۇشەلەرى راديومۇشايراعا قاتىسقان اقىنداردىڭ ولەڭدەرىن ساراپتاپ, ءوز باعالارىن بەردى. «كوميسسيا مۇشەلەرىنىڭ پىكىرىن قولدايمىن. بارلىق اقىننىڭ ولەڭىن مۇقيات وقىپ شىقتىم. كەيبىرىنە تاڭداي قاقسام, ەندى بىرىنەن ۇيقاس كورمەي, يدەيا تاپپاي قينالدىم. نۇربەك كەڭەسباي ۇلىنىڭ «تاريح ءھام ەلتۇتقا» اتتى ولەڭى ۇنادى. بۇل اقىن جىراۋعا بەرگىسىز ەكەن. ءتىلى وتە شۇرايلى. استانانى عالامنىڭ سەگىزىنشى كەرەمەتىنە تەڭەگەن مۇقاعالي سەيتقازىنىڭ ولەڭى دە جاقسى. ءبىزدىڭ ماقساتىمىز – كوپتىڭ ىشىنەن ءبىر مىقتىنى انىقتاۋ. ارمان شەريزات دەگەن اقىننىڭ «بوزوقتا بوز جۋساننىڭ ءيىسى بار» اتتى ولەڭى كوزگە ەرەكشە ءتۇستى. بۇل اقىن ولەڭنىڭ تەحنيكاسىن مەڭگەرگەن, ۇيقاسى تياناقتى, سوزدىك قورى باي, ەڭ باستىسى, قازاق تاريحىن بىلەدى. ولەڭى ءى ورىنعا لايىق دەپ ويلايمىن», دەدى «قازاق راديولارى» سەرىكتەستىگى باس ديرەكتورىنىڭ ورىنباسارى ءازىمحان اۋساتوۆ. كوميسسيا وتىرىسىنىڭ قورىتىندىسى بويىنشا ءى ورىن ارمان شەريزاتقا (500 000 تەڭگە), ءىى ورىن مارلەن عيلىمحان (300 000 تەڭگە) مەن مۇقيات قويشىباي ۇلىنا (300 000 تەڭگە), ءىىى ورىن ءبىرجان احمەر (200 000 تەڭگە) مەن عىلىمنۇر كادىرباي ۇلىنا (200 000 تەڭگە) بۇيىردى. سونىمەن قاتار, ەڭ ۇزدىك 5 اقىننىڭ ولەڭىنە ۇلتتىق ارنا بەينەسيۋجەت ءتۇسىرىپ, ەفيردەن بەرەدى.
باعاشار تۇرسىنباي ۇلى, «ەگەمەن قازاقستان»